-طب يعني ديه حاجة حلوة ولا وحشة يعني؟!
-يا باشا بقولك ميييييييييييييت حصان!
-أيوة يعني حلوة ولا وحشة؟!
ما علينا من اللي حصل بعد كده بس إحنا ندعي للشاب ده بالشفاء العاجل!
المهم بقي تعالي نعرف مع بعض يعني أيه قدرة العربية بالحصان وجات منين!
اللي أخترع كلمة "horse power" أو القدرة بالحصان هو المهندس جيمس وات " ولد سنة 1736 وتوفي سنة 1819" وهو مخترع المحرك البخاري.
"أظن كلمة وات مش جديدة علينا برضه! هيَّ طريقة تانية لقياس القدرة...."
الفكرة جاتله لما كان المهندس جيمس وات يستخدم الخيول لرفع الفحم من مناجم الفحم الحجري وكان دايماً يبحث عن طريقة لوصف القوة الناتجة عن هذه الخيول.
وجد جيمس وات أن المعدل اللي الحصان العادي يستطيع رفعه هو 22 باوند (10 كيلوجرام) لمسافة 1000 قدم كل دقيقة ، وبعدين زود الرقم ده بنسبة 50% وقام بتثبيت نتيجة قوة الحصان عند 33 باوند ( 15 كيلوجرام ) لمسافة 1000 قدم في الدقيقة!
وبعدها تم أستخدام الطريقة ديه في قياس قدرة أي جهاز الأن!
يعني الواحد هورس باور أقدر أترجمه كالأتي:
-قدرة الحصان العادي إنه يحمل 33 باوند " 15 كيلوجرام" ويجري بيهم 1000 قدم "304 متر" في دقيقة واحدة.
-أو إنه يشيل 330 باوند "150 كيلوجرام" ويجري بيهم 100 قدم بس في دقيقة واحدة.
-أو إنه يشيل 33000 باوند "15000 كيلوجرام" ويجري بيهم 1 قدم في دقيقة واحدة.
أو إنه يشيل 1 باوند ويجري بيهم بسرعة 33000 قدم في الدقيقة الواحدة.
طبعاً الأمثلة ديه بعيدة شوية بس هيَّ للتوضيح! حصان سوبر أيه اللي يشيل 15 طن ويتعتع من مكانه!
ولا حصان أيه ده اللي هايطير بالسرعة ديه!
أخر حاجة، في طرق تانية لتخيل القدرة بالحصان!
حصان واحد =746 وات.
حصان واحد = الجهد اللي بيبذله الأنسان في ساعة لحرق 641 سعرة حرارية.
.......الجزء التاني
......
ليست هناك تعليقات:
إرسال تعليق