علم الأعصاب أو هندسة الأعصاب (Neural Engineering)
يعني ايه هندسة أعصاب ؟ ركز معايا كدة وهاناخدها واحدة واحدة
يعني انت جسمك وداخل خلاياك فيه ملايين الخلايا والسيول العصبية ال بترسل وتستقبل إشارات من وإلي عقلك وأطرافك وحواسك , إلخ ...
طب ودي بتكون ازاي ؟
جسمك فيه شحنات كهربائية لو زادت خطر - مش بنسمع دايماً في ناس بيتقال عليهم عندهم كهرباء زيادة ؟ مش معناه إنهم بيكهربوا
معناه إن النشاط العقلي عندهم بيصدر شحنات أكثر من المستوي الطبيعي
زي بالظبط لما تزود الباور علي الموتور السرعة بتزيد بس ده بيترجم في الإنسان إلي صرع (Biopsy) - حفظكم الله - كدة ممكن يكون معني الصرع بقي أوضح ليكم شوية
فاكرين زمان في الكرتون والأفلام لما بيقعد يقولك دي لما تركبها في دماغه هاتعرف تتحكم فيه ؟ كنا كلنا بنقول ده المخرج خياله واسع !!
بس الحقيقة عكس ده العلم اتطور جامد جداً جداً لدرجة مش هاتصدقوها
هندسة الأعصاب مجال مهم وواسع جدا في الخارج وساعد في حالات كتير زي الشلل والإعاقة والعلاج الطبيعي ..
وأشهر جهاز ممكن كلنا نكون عارفينه هو جهاز رسم المخ ال في ناس كتير فاهمين إن لما الدكتور يقولك عايزك تعمل رسم مخ يبقي انت كدة في حاجة في عقلك لا مش شرط خالص ممكن تبقي إجراءات لسلامتك بس
هندسة الأعصاب في المستقبل هاتستخدم في مكافحة الجريمة وخلي بالك انا كل ده باتكلم عن المجال كهندسة بدون أي تدخل جراحي
هانعرف ازاي كل ده بيحصل واحدة واحدة إن شاء الله ببساطة بدون أي تعقيد دي مقدمة بسيطة نبدأ بيها إن شاء الله ...
ليست هناك تعليقات:
إرسال تعليق